Die landwye tekort aan skenkerbloed, op die vooraand van Kersfees, stuur op ‘n krisis af. Bloemfonteiners kan vandag by twee spesiale skenkerpunte help om die uiters lae bloedvoorraad te help aanvul. Daar word ‘n dringende beroep op élke skenker in die Mangaung-metro gedoen om van negeuur af by die Waterfront Loch Logan Mall of by die Northridge Mall aan te meld. Die skenkerpunte sluit om twee. Indien jy elders in die land via die Rosestad-toep ingeskakel is, moet jy asseblief so gou moontlik die SANBS se webtuiste besoek om uit te vind waar jou naaste skenkerpunt is.