Die LUR vir gemeenskapsveiligheid, paaie en vervoer in die Vrystaat, Jabu Mbalula, het sy kommer uitgespreek oor die hoë aantal padongelukke weens ongunstige weerstoestande in die Thabo Mofutsanyana-distrik die afgelope naweek.

Volgens SABC News is 15 voorvalle aangemeld, waarvan twee noodlottig was en vyf mense se lewe geëis het.

Mbalula het padgebruikers aangemoedig om hul snelheid aan te pas en besondere sorg te neem in nat en mistige toestande.

Hy het sy meegevoel met die families van die oorledenes betuig.