Die Organisasie teen Belastingmisbruik (Outa) het suksesvolle samesprekings met burgerlike organisasies en parlementêre amptenare gehad.

Outa het ‘n simposium aangebied om samewerking tussen hierdie organisasies en die parlement te help versterk en om sodoende bestuursuitdagings aan te spreek. Die vergadering het ‘n platform vir eerlike dialoog oor die verbetering van parlementêre toesig, aanspreeklikheid en deursigtigheid gebied.

Deelnemers het ook met strategieë vorendag gekom om uitdagings rakende hierdie sake op te los. Outa se Robyn Pasensie sê hulle verwelkom hierdie nuwe era van samewerking wat daarop gemik is om ‘n sterker en meer verantwoordbare demokrasie te skep.