Die parlement sal na verwagting die salarisse van sy laagsbetaalde werkers oor die volgende drie jaar verdubbel. Die jaarlikse salarisse van hierdie werkers, insluitend skoonmakers, kokke en kelners, sal van 170-duisend rand tot 340-duisend rand styg. Dit volg op onderhandelinge met die National Education, Health and Allied Workers’ Union.

Volgens die Sunday Times sal die verhoging in fases uitgerol word, met die eerste verhoging van tien persent wat volgende maand in werking sal tree.

Die parlement se woordvoerder, Moloto Mothapo, sê die instelling het hierdie stap geneem om te verseker dat alle intreevlakwerknemers onder dieselfde betaalstruktuur val.