Mia le Roux, pas gekroonde Mejuffrou Suid-Afrika, sê mense kan maar wreed wees. Dít met verwysing na sekere mense se opinies oor haar manier van praat.

Die 28-jarige Mejuffrou SA het 100% gehoorverlies, en is die eerste dowe persoon om met dié gesogte skoonheidstitel te spog.

Huisgenoot berig sy was twee jaar oud toe sy die eerste keer ‘n kogleêre inplanting ontvang het. Le Roux praat egter vlot Afrikaans en Engels, en maak ook staat op lippe lees en lyftaal, om ‘n gesprek te volg.

Sy werk as bemarkingsbestuurder in Oudshoorn, en is ook deeltydse B-Comm-student.

Sy is in Sasolburg in die Vrystaat gebore.