Lede van die Vrystaatse Polisiediens, is oudergewoonte vanjaar saam met jou by die Bloemskou. Die manne en vroue in blou is oorgehaal om jou ‘n kykie agter die polisie-
skerms te gee, met ‘n moet-sien-uitstalling in die Kosmossaal. Hier vind jy meer uit oor die polisie se honde-eenheid, duikeenheid, en sélfs oor die Valke.

In samewerking met die departement van gemeenskapsveiligheid, paaie en vervoer, leer die polisie ook die jongspan ‘n ding of twee oor voetganger-padveiligheid. Bloemskou 2024 duur tot 4 Mei.