Die Vrystaatse polisie het ‘n reuse soektog van stapel gestuur na ‘n onbekende aantal verdagtes wat ‘n egpaar op hul Paradys-kleinhoewe, suid van Bloemfontein aangeval het.
‘n Vriend van die egpaar se seun het gister die polisie en nooddienste gekontak nadat hy op die 71-jarige man se liggaam afgekom het.
Die 64-jarige vrou het beserings opgedoen en is in ‘n kritieke toestand in die hospitaal opgeneem.
Die aanval het vermoedelik Maandag plaasgevind.
Die provinsiale georganiseerde misdaadeenheid het intussen die ondersoek oorgeneem.
