Die Universiteit van die Vrystaat het hul 15de Visekanselier en Rektor, Hester Klopper, verwelkom.

Klopper het Saterdag in haar nuwe pos begin.

Volgens die Universiteit se webwerf is sy ’n wêreldbekende akademiese leier.

Sy het ’n PhD aan die Universiteit van Johannesburg en ’n MBA aan die Britse Universiteit van Luton verwerf.

Voor haar huidige aanstelling was sy adjunkvisekanselier by die Universiteit van Stellenbosch.

Klopper het verskeie internasionale leierskaprolle vervul en meer as 40 toekennings vir haar navorsing en leierskap ontvang.

Sy het meer as 30 jaar ondervinding in onderrig, navorsing en bestuur.

Klopper sal voortgaan om die universiteit se groei en ontwikkeling te bevorder.