Twee vroue,  Maria Karien  Marx en  Isabel Motseremeli Khahliso, het in die Bethlehemse Hof vir Ernstige Handelsmisdade verskyn op aparte aanklagte van bedrog en geldwassery.

’n Mediaverklaring van die Valke bevestig bewerings dat Marx eise aan die Departement van Arbeid ingedien het vir Covid-19 Tydelike Werkgewers-/Werknemersverligting (TERS) van meer as R1 miljoen via haar maatskappy.

Slegs ’n gedeelte van die fondse is aan werknemers betaal, terwyl die res vir persoonlike gebruik aangewend is.

Khahliso het glo eise aan die Departement van Onderwys ingedien deur haar NPO. Sy het na bewering fondse ontvang vir persone wat nie gekwalifiseer het nie.