Die Vrystaatse premier, Maqueen Letsoha-Mathae, het haar uitvoerende aankondiging op die nippertjie uitgestel. Dit kom nadat ’n lys van inkomende lede van die uitvoerende gesag glo op sosialemedia gedeel is.

Volgens berigte is die vertraging met die aankondiging van die nuwe lede te wyte aan interne gevegte wat in die provinsiale regering aan die gang is. Letsoha-Mathae moet nog kommentaar lewer oor haar rede vir uitstel.