Die VSA het begin om diplomatieke personeel uit Haïti te ontruim namate bendegeweld in die hoofstad Port-au-Prince toeneem. Bendes val regeringsinstellings en polisie aan en eis dat die eerste minister, Ariel Henry, moet bedank.

Duitsland en die Europese Unie het ook diplomatieke personeel, insluitend ambassadeurs, ontruim. Volgens CNN was daar die afgelope drie dae minstens 12 helikopter-ontruimingsvlugte. Die konflik het duisende gedwing om uit hul huise te vlug. Die gewapende groepe is reeds in beheer van groot dele van Port-au-Prince.