Die Kankervereniging van Suid-Afrika (KANSA) sal hul 23ste jaarlikse KANSA Shavathon eerskomende naweek by uitgesoekte winkelsentrums regoor die land bekend stel.

Luidens ‘n mediaverklaring sal die Shavathon regdeur Maart met gemeenskaps– en werkplekgeleenthede voortgaan om Suid-Afrikaners bymekaar te bring.

Onder vanjaar se tema  ‘Fearless Hair to Show You Care’ word Suid-Afrikaners herinner aan die moed wat kankeroorwinnaars op hul reis toon.

Vir meer as twee dekades bied Shavathon ‘n platform vir gemeenskappe om kankeroorwinnaars te ondersteun.

Om hare te verloor is ‘n algemene newe-effek van kankerbehandeling, en die skeer of spuit van hare in helder kleure het ‘n kragtige simbool van ondersteuning en bewusmaking geword.