Hoewel dit ‘n dag later as verwag gebeur, gaan die prys van brandstof van more af daal.

IOL berig die Departement van Minerale Hulpbronne en Energie het bevestig dat, na ‘n vlaag van petrolprysstygings gedurende die eerste helfte van die jaar, petrol- en dieselpryse in Julie sal daal.

Die prys van 93 loodvrye petrol sal met R1,05 daal en 95 loodvry met 99 sent per liter, terwyl diesel met tussen 30 sent en 24 sent sal daal. Verbruikers sal nou R22,47 betaal vir ‘n liter 95 loodvrye petrol aan die kus en R23,26 in die binnelandse streke, terwyl 93 loodvrye petrol vir R22,86 kleinhandel sal wees.

Julie se brandstofprysverligting kom grootliks as gevolg van laer internasionale oliepryse gedurende Junie, hoewel ‘n sterker rand in die laaste dele van die maand gehelp het om die skaal te balanseer.