Die minister van vroue, jeug en mense met gestremdhede, doktor Nkosazana-Dlamini Zuma, het bewerings ontken dat sy staatsgeld gebruik het vir ‘n private straler om die Namibiese president se begrafnis by te woon.

Sy voer aan sy het ‘n gratis saamvlieg-geleentheid in ‘n private straler gekry, en dat sy wel die vlug sal verklaar. Voorts het Dlamini-Zuma gesê sy benut elke geleentheid om belastingbetalers se geld te spaar.

Wyle Hage Geingob was president van Namibië vanaf 2015 tot en met sy afsterwe op 4 Februarie. Hy was Namibië se derde president.