Agt jaar ná Donald Trump se verbasende oorwinning oor Hillary Clinton, en vier jaar ná Joe Biden hom uit die Withuis verwyder het, is die voormalige president nou weer die volgende president van die VSA.

Volgens die BBC wens Europese leiers Trump geluk, alhoewel hulle bewus is dat hy nie ’n groot ondersteuner van NAVO, die trans-Atlantiese militêre alliansie, is nie.

LEES MEER: Withuis wink vir Trump

Sy oorwinning is ’n merkwaardige terugkeer vir ’n man wat die presidentskap verlaat het te midde van die chaos van 6 Januarie, met sy reputasie in skerwe.

Hy is wyd veroordeel deur Demokrate en selfs sommige Republikeine en het op ’n vier jaar lange reis gegaan wat hom teruggebring het na die toppunt van Amerikaanse mag.