Taxi-geweld in Port St Johns het gister die lewe van minstens drie mense gekos.

Die oorledenes was veiligheidsbeamptes van ‘n taxi-vereniging van Lusikisiki.

Vyf lede van ‘n ander taxi-vereniging is beseer, toe lede van die twee verenigings glo by ‘n taxi-halte op mekaar losgebrand het.

Die Oos-Kaapse provinsiale polisiewoordvoerder, kolonel Priscilla Naidu, sê ‘n elfjarige seun is op die misdaadtoneel deur ‘n dwaelkoeël getref, en is vir mediese sorg na ‘n hospitaal in die omgewing geneem.