Eskom het ‘n dringende waarskuwing uitgereik oor die hoë risiko van beurtkrag.

TimesLIVE berig die waarskuwing is Maandagaand uitgereik weens verskeie kragopwekkingseenhede wat van lyn af gehaal is.

Volgens Eskom is ses kragopwekkingseenhede binne 12 uur afgeskakel, wat ernstige druk op die kragstelsel plaas en die gebruik van reserwes vereis.

Eskom het gesê dat, indien ‘n verdere 800 MW verlore gaan, hulle genoodsaak sal wees om fase twee-beurtkrag op kort kennisgewing in te stel.

Daar word tans gewerk om sewe kragopwekkingseenhede tussen Maandagaand en Dinsdagaand te herstel en weer aan die lyn te koppel.