Die Ficksburg-eenheid vir Gesins-, Kinderbeskerming en Seksuele Misdrywe benodig gemeenskapsbystand om ‘n persoon van belang op te spoor wat kan help met die deurlopende ondersoek na ‘n beweerde verkragting.

Volgens ‘n polisieverklaring word beweer dat ’n vroulike slagoffer van die dorp Ficksburg huis toe gegaan het via ’n voetpaadjie deur spoorweë en bosveld.

Sy was naby Imperani Plaas op die R26 toe sy deur ’n onbekende man genader is wat haar met ’n mes gedreig het.

Die slagoffer is van haar kontant beroof en deur die verdagte verkrag.

’n Saak van verkragting en roof word ondersoek.