FIETSRY – Jonas Vingegaard het Woensdag ’n belangrike skofsege en sielkundige oorwinning oor Tadej Pogacar in Tour De France behaal.
Vingegaard het skof nommer 11 oor 211 km in 4 uur en 58 minute gewen gevolg deur Pogacar kort op sy hakke en Remco Evenepoel in die 3de plek.
Dit was ’n uitdagende skof met 6 kategorie klimme waarvan 4 die laaste 50km ingesluit het.
Pogacar is nog steeds die draer van die geeltrui gevolg deur Evenepoel ’n minuut en 6 sekondes agter diè Sloween met Vingegaard slegs 8 sekondes agter Evenepoel.
*Donderdag se skof van 203.6 km word tussen Aurillac en Villeneuve Sur-Lot gejaag.
