FNB is die jongste finansiële diensverskaffer om Suid-Afrikaners oor die potensiële impak van vroeë toegang tot hul aftreespaargeld te waarsku. Dit kom namate die nuwe tweepot-aftreestelsel volgende maand begin. Volgens die bank kan die onttrekking van geld uit die spaarpot voor aftrede die groei van saamgestelde opbrengste vertraag. Dit waarsku dat dit ook langtermyn-aftredestabiliteit en lewenstyl kan beïnvloed. FNB doen ‘n beroep op burgers om noodfondse te spaar om toegang tot hul aftreespaargeld te vermy.