FORMULE EEN –  Formule Een entoesiaste in Thailand kan moontlik binnekort uitsien na ’n Formule Een wedren wat in die strate van Bangkok die enjins gaan laat brul.

Alhoewel daar nog nie ’n amptelike aankondiging gemaak is nie het die Premier van Thailand Srettha Thawisin gasheer gespeel vir die Formule Een grootbaas Stefano Domenicali om oor diè groot sportgeleentheid te gesels.

*Die enigste Thaise renjaer wat tans in F1 meeding is Alex Albon van Williams waar diè renjaer ook die geleentheid met albei sal hande wil aangryp om ook voor sy tuisskare te probeer beïndruk.