Frans du Toit het hierdie jaar Kersfees saam met sy ma in Bloemfontein deurgebring. Dit nadat hy in 1995 saam met Theuns Kruger tot lewenslange tronkstraf vir die wrede aanval op Alison Botha gevonnis is.

Netwerk24 sê Du Toit se ma beskryf hom as ‘n veranderde mens met diepe berou. Hy voldoen aan sy paroolvoorwaardes, maar die minister van Korrektiewe Dienste, Pieter Groenewald, poog om hom en Kruger terug tronk toe te stuur.

Groenewald is van mening die twee moes nooit parool gekry het nie. Du Toit se ma sê verder aan Netwerk24 hy moes ’n prokureur kry om skriftelik aan die minister te verduidelik waarom hy nié terug tronk toe moet gaan nie. Volgens sy ma het hy ook ‘n werk in Bloemfontein gekry.