Die uitvoerende hoof van die AE Switch-betalingsplatform, Tiaan Lombard, weier om in die saak teen die omstrede diamantsmous Louis Liebenberg te getuig, tensy die likwidateurs wat by die ondersoek betrokke is, ook ondersoek word.

The Citizen berig Lombard is in 2021 deur die Nasionale Vervolgingsgesag aangestel om bewyse teen Liebenberg en sy maatskappy, Tariomix, te versamel.

Die likwidateurs het glo inligting van Lombard geëis om die maatskappy te likwideer, maar hy weier, aangesien dit die ondersoek kan benadeel.

Lombard beweer in ’n beëdigde verklaring ook regter Eberhard Bertelsmann bekommer hom nie oor geregtigheid nie.

Lombard het as getuie onttrek en sê hy sal slegs getuig indien die Spesiale Ondersoekeenheid (SOE) die likwidateurs ondersoek.