’n Beweerde dwelmsindikaat by die hof is in die Palm Ridge-landdroshof blootgelê nadat die polisie ’n gevangene uitgeroep het om hom na ’n tronkvragmotor te begelei.

Daar was doodse stilte, en hy was nêrens te vinde nie.

News24 berig die sel waarin hy veronderstel was om te wees, was gesluit en leeg. Vermoedelik is ’n polisiebeampte en hofvertaler betrokke.

Die Onafhanklike Polisie-ondersoekdirektoraat het ontdek die kameras in die selle werk nie.

’n Man met ’n plastieksak is gesien, en later is dagga en vermoedelik mandrax in die selle gevind.

Moordbeskuldigde Sibusiso Nondoda het erken die hofvertaler verskaf gereeld dwelms aan gevangenes.