Gmail-gebruikers is gewaarsku oor ’n nuwe bedrogskema waar kuberkrakers kunsmatige intelligensie (KI) gebruik om oproepe en e-posse te stuur wat sekuriteitsfilters omseil.

Nuusflits berig dit lyk dan of hul rekeninge in gedrang is.

Gebruikers wat op ’n vals sekuriteitswaarskuwing klik, word na ’n webtuiste geneem wat soos Google lyk.

Hulle word dan gevra om hul kode in te tik, waarna kuberkrakers toegang tot hul rekeninge kry.

Die FBI in Amerika waarsku kuberkrakers kry so toegang tot gekoppelde dienste, wat finansiële verliese en datadiefstal tot gevolg kan hê.

Mense word gemaan om nie op verdagte skakels te klik nie en om oproepe wat wagwoorde vra, onmiddellik te beëindig.