Die komediant en rolprentmaker, Leon Schuster, sal nog vir ses weke plat op sy rug in sy hospitaalbed in Pretoria moet lê na ‘n tweede rugoperasie. Hy kan in hierdie stadium slegs sy arms gebruik, berig Netwerk 24. Schuster het in Augustus sy eerste rugoperasie ondergaan nadat hy op die stel van ‘n nuwe rolprent beseer is. Schuster het die naweek gesê hy verduur baie pyn en kan tot agt maande neem voordat hy weer normaal sal kan funksioneer.