Die Departement van Binnelandse Sake het planne aangekondig om die groen strepieskode-identiteitsdokumente teen einde vanjaar ongeldig te maak.

Hierdie inisiatief sal, soos berig deur Central News, help om korrupsie, bedrog en identiteitsdiefstal te bekamp. Suid-Afrikaners sal dan na die veiliger slim ID-kaarte, wat twaalf jaar gelede bekend gestel is, oorskakel. Die verouderde ontwerp van die groen ID-boeke hou ernstige veiligheidsrisiko’s in.

Kenners het beklemtoon hierdie papierge baseerde dokumente maklik beskadig en kwesbaar vir vervalsing is, wat dit onbetroubaar vir veilige identifikasie maak. In ‘n 2024-verslag van Smile ID is bevind die groen ID-boekie is die mees geteikende dokument vir bedrieglike aktiwiteite in Afrika.

Die verslag het daartoe gelei het dat die Departement van Binnelandse Sake meer as 700 000 verdagte ID-boeke geblokkeer het.