Die Mangaung Metro Munisipaliteit gaan twee kruisings in O.R. Tambo-straat, voorheen Kerkstraat, opgradeer.

Volgens ‘n kennisgewing deur die munisipaliteit begin konstruksie na verwagting Woensdag en word dit geskeduleer om ’n jaar te neem om te voltooi.

Opgraderings sal aan die verkeersligte, sypaadjies, bushaltes en toegang tot Hartley-straat gedoen word.

Rigtingaanduidings sal verander word na ’n drie-fase-stelsel om toegang tot Binnelandse Sake, Fauna of O.R. Tambo-straat te akkommodeer.

Motoriste word gevra om geduldig te wees, aangesien verkeersvertragings verwag word.