Die Suid-Afrikaanse Inkomstediens herinner werkgewers aan die huidige jaarlikse werkgewer-rekonsiliasietydperk, wat op 31 Mei ten einde loop.
Gedurende hierdie tydperk moet werkgewers rekonsiliasievorms indien, wat die jongste en mees akkurate betaalstaatinligting bevat, asook die nodige gegewens oor belastingbedrae wat by werknemers afgetrek is.
Die verslagtydperk behels die belastingjaar vanaf 1 Maart 2023 tot en met 29 Februarie 2024.
