Minstens een persoon is oorlede en duisende is ontruim terwyl Japan die grootste bosbrand in drie dekades bestry.

Die land het meer as twee-duisend brandbestryders ontplooi om die brand te probeer blus.

Meer as 80 geboue is na raming tot dusver beskadig. Japan se eerste minister, Shigeru Ishiba, het aan die land se parlement gesê daar word verwag dat die brand nog verder sal versprei.