Die verhoor in die vermiste Joslin Smith saak sal op 16 September 2024 in die Wes-Kaapse hoogeregshof plaasvind.
Joslin se ma, Kelly Smith, haar kêrel, Jacquen “Boeta” Appolis, Stevano van Rhyn, en Lourentia Lombaard staan tereg op aanklagte van ontvoering en mensehandel vir die doel van uitbuiting.
Honderde mense het buite die hof betoog vir Joslin se veilige terugkeer. Die graad 1-leerling word sedert 19 Februarie vermis. Die staat voer aan dat Joslin vir R20 000 verkoop is en dat hulle wag op uistlae van forensiese verslae.
Die hoogswanger Kelly, wat opgewek was terwyl sy in die beskuldigdebak was, sal saam met die groep in aanhouding bly.
