Ranga Chivaviro, die Kaizer Chiefs-doelskieter, het gesê hulle is baie gemotiveerd op pad na Bloemfontein vir die openingsronde van die Premier Sokkerliga.

Amakhosi gaan Marumo Gallants, wat die PSL-status van Moroka Swallows gekoop het en na Bloemfontein verhuis het, aandurf.

Daar is sprake dat die wedstryd uitverkoop gaan wees en dit is presies wat Gallants wil hê om die nuwe era in Bloemfontein te begin.

Saterdag se wedstryd by die Toyota-stadion skop om 17:30 af.