Die vlugvertragings na aanleiding van kragonderbrekings by Kaapstad Internasionale Lughawe is tydelik opgelos.
Die kragonderbrekings, wat deur ‘n beskadigde kabel veroorsaak is, het bedrywighede by die lughawe se brandstofdepot beïnvloed en tot vertragings in die landing van vliegtuie gelei.
Die Lughawensmaatskappy van Suid-Afrika (Acsa) sê in ‘n mediaverklaring bedrywighede by die lughawe word tans deur kragopwekkers aangedryf, terwyl herstelwerk onderweg is om die brandstofstelsel ten volle te herstel.
Passasiers word aangeraai om hul lugrederye vir bywerkings oor vlugskedules te kontak.
