KRIEKET – Die snelbouler Nandrè Burger en openingskolwer Tony de Zorzi is ook vir die 1ste keer Protea kontrakte aangebied na goeie vertonings vir die nasionale span oor die afgelope paar maande.
Die voormalige Proteas-kaptein Quinton de Kock en snelbouler Anrich Nortje is egter nie kontrakte aangebied nie. Nortje wat vir die afgelope ruk met beserings worstel wil hom op T20-krieket toespits maar sal nog vir die Proteas beskikbaar wees.
Die gewese Knights speler Gerald Coetzee is uiteindelik opgegradeer na ’n vol kontrak terwyl die veelsydige Andile Phehlukwayo weer deel van 18 gekontrakteerde spelerslys sal uitmaak.
Keegan Pietersen , Wayne Parnell en Sisanda Magala is hiediè keer oor die hoof gesien terwyl nog 2 toetsspelers – die kolwer David Bedingham en paaltjiewagter Kyle Verreyne – ook nie kontrakte aangebied is nie.
