KRIEKET: Die Proteas vertrek vandag na die Wes-Indiese Eilande vir ‘n reeks van drie T20  wedstryde wat die Wêreldbeker-toernooi in Amerika en die Karibiese Eilande voorafgaan.

Die Leeus se draaibouler, Nqaba Peter, is ingesluit in Suid-Afrika se groep vir die reeks teen die Windies maar is nie deel van die Wêreldbekergroep nie.

Die 21-jarige Peter het tonge laat klap met die 2de meeste paaltjies in Krieket Suid-Afrika se T20-uitdaging.