Engeland se vrouekrieketspan het die voortou geneem in Groep B by die T20 Krieketwêreldbeker vir vroue, na hulle gister vir Skotland geklop het met 10 paaltjies.

Die Skotte kolf eerste en vorder tot 109-vir-ses in hulle 20 boulbeurte, waarna die Engelse dames slegs 10 boulbeurte benodig het om af te jaag.

Die Suid-Afrikaanse dames is tweede in Groep B, gelyk op ses punte met die Engelse en twee punte voor die Wes-Indiese dames in die derde plek, maar beide het ‘n wedstryd minder gespeel.

Die Wes-Indiese dames sal môremiddag teen Engeland te staan kom, en sou die dames van die Karibiese eilande met ‘n oorwinning wegstap, sal die Proteas nie vorder na die halfeindrondes nie.