Nieu-Seeland het weereens sout in die wonde van Pakistan gevryf toe hulle die tweede T20 met vyf paaltjies in Dunedin kon wen.

Die aanvangskolwers Tim Seifert en Finn Allen het vroeg die toon aangegee en sewe sesse in die eerste agt houe gemoker met Seifert wat 26 lopies van een boulbeurt van Shaheen Shah Afridi ingevorder het.

Pakistan wat 135 / 9 in ‘n reën-verkorte 15-boulbeurt-wedstryd aangeteken het se kaptein Salman Agha het probeer walgooi met 46 maar min ondersteuning van sy mede kolwers gekry.

Die Swart Pette loop 2 – 0 voor in die reeks van vyf en kan reeds Vrydag  ‘n reeks-oorwinning in Auckland verseël.