Engeland se vrouekrieketspan se toer in Suid-Afrika het gistermiddag in Bloemfontein tot ‘n einde gekom, waar hulle ‘n massiewe oorwinning verdien het oor die Proteavroue in hulle een en enigste toetswedstryd.

Die Suid-Afrikaners het dit reg gekry om die Engelse uit te boul vir 236 in hulle tweede kolfbeurt.

Hulle is toe ‘n teiken van 351 gegee om te jaag.

Die Proteas kon uiteindelik slegs 64 lopies maak voor almal uitgehaal is, met Engeland wat ‘n 286-lopie oorwinning verdien het.

Volgens die afrigter van die Proteavroue, Mandla Mashimbyi, het die dames beter geword soos wat die wedstryd aangegaan het.