Die SABC gaan die krieketseisoen al die Proteas se tuiswedstryde uitsaai.

Dit kom ná ‘n ooreenkoms tussen Krieket Suid-Afrika en die SAUK, met die openbare uitsaaier wat aangewys is as die amptelike gratis uitsaaier van krieketwedstryde.

Vandag se eerste T20-wedstryd in die Proteas en Indië se reeks van vier wedstryde sal op die SABC te sien wees.

Die uitvoerende hoof van Krieket Suid-Afrika, Pholetsi Moseki, het in ‘n verklaring gesê dat hy bly is dat meer plaaslike krieketondersteuners nou die aksie op TV kan volg.