‘n Vroue krieketspeler van Bangladeh is weens korrupsie vir vyf jaar van alle krieket geskors.

Shohely Akhter, wat in 19 eendag- en 17 T20-wedstryde vir Bangladesh gespeel het, het skuld erken op vyf klagtes van die Internasionale Krieketraad.

Akhter het in 2022 laas vir Bangladesh gespeel, en het gedurende die 2023 T20-Krieketwêreldbeker een van haar oud-spanmaats genader en £13 000 aangebied om haar eie paaltjies raak te slaan. Die spanmaat het Akhter by die krieket owerhede aangegee.