Kubermisdadigers het in herhaalde aanvalle oor tien jaar sowat R300-miljoen van die Departement van Openbare Werke en Infrastruktuur gebuit. Dit is volgens die nuwe minister van Openbare Werke, Dean Macpherson.

Volgens Macpherson word staatsamptenare daarvan verdink dat hulle met misdadigers saamgespan het, wat die departement ’n sagte teiken vir kuberaanvalle maak. Ondersoekbeamptes het op 30 departementele skootrekenaars beslag gelê, en drie senior bestuursamptenare is geskors.