Petrol, diesel en paraffien sal na verwagting in Augustus effens minder kos. Maandeinddata wys petrolpryse kan tussen 7 en 11 sent per liter daal, terwyl groothandel-dieselpryse 9 tot 22 sent per liter goedkoper kan wees. Paraffien kan tot 16 sent per liter minder kos.

Die verwagte afwaarste aanpassings word grootliks toegeskryf aan ‘n relatief sterker rand, asook afplatting van die internasionale olieprys. Die nuwe pryse behoort vroeg aanstaande week bekend te wees, en sal op Woensdag 7 Augustus in werking tree.