Agtien verdagtes is glo vroeër vandag in ‘n skietgeveg met die polisie in Makhado, Limpopo, doodgeskiet.

Generaal Fannie Masemola, nasionale polisiekommissaris, luitenant-generaal Godfrey Lebeya, hoof van die Valke en ander hooggeplaasdes, was Vrydag op pad na die misdaadtoneel, het brigadier Athlenda Mathe, polisiewoordvoerder, gesê.

TimesLive berig dat onbevestigde inligting die verdagtes moontlik met ‘n onlangse transito rooftog kan verbind.