Na sewe jaar is lugbraaiers steeds die gewildste afgemerkte item op Black Friday, aldus Pick n Pay. Die kettingwinkel het gesê dit lyk of huishoudings op soek is na groter lugbraaiers. Volgens Netwerk 24 het Pick n Pay in ‘n verklaring gesê lugbraaiers was vir die sewende agtereenvolgende jaar die gewildste item onder sy spesiale aanbiedings op Black Friday. Vanjaar is boonop ‘n nuwe rekord opgestel. Andrew Mills, bemarkingshoof van Pick n Pay het gesê vanjaar het die verkope van lugbraaiers verdubbel vergeleke met verlede jaar. Die winkels se groot voorraad was teen Vrydag byna alles uitverkoop. Verbruikers beskou lugbraaiers as  ‘n metode om gesonder kos voor te berei wat vinnig gaar word en krag spaar.