Twee Vrystaatse LUR’e het vandeesweek met boere vergader om landelike veiligheidsprobleme op die Lesotho-Vrystaat-grens in die Thabo Mofutsanyane-distrik aan te pak.

Die LUR vir Landbou, Landelike Ontwikkeling en Omgewingsake, Elzabe Rockman, en die LUR vir Gemeenskapsveiligheid, Paaie en Vervoer, Jabu Mbalula, het met boere by die Fouriesburg-polisiestasie vergader.

Die boere het gefokus op probleme soos brandstigting wat landbougrond vernietig, kapings naby die grens, moorde en die gebruik van ongelisensieerde vuurwapens.

Die LUR’e het die polisie versoek om met boere en plaaslike gemeenskappe saam te span om hierdie erge misdade doeltreffend vas te vat.