Ace Magashule se voormalige assistent, Morodi Cholota, wat Maandag in die Bloemfonteinse hooggeregshof verskyn het, sal in aanhouding bly tot haar volgende verskyning Dinsdag.
Die staat het aan die hof voorgelê dat hulle tyd benodig om deur die verklaring van Cholota te gaan. Volgens SABC News het sy onskuldig teen die aanklagte teen haar gepleit. Daar word berig dat sy vir bedrog, korrupsie en geldwassery in die R255-miljoen asbesdaksaak aangekla is.
Die vervolging van die 19 asbesdak-beskuldigdes is weens beweerde bedrog toe ‘n tender ses jaar gelede aan Blackhead Consulting toegeken is.
