Die Maluti-a-Phofung-munisipaliteit in die Vrystaat sal met Eskom saamwerk om die munisipaliteit se elektrisiteitsvoorsiening te herstel.
Die samewerking is ‘n ooreenkoms van agt jaar wat ontstaan het as ‘n Distribution Agency Agreement (DAA) tussen Eskom en die munisipaliteit.
Die ooreenkoms sal die munisipaliteit in staat stel om grootmaat elektrisiteit van Eskom aan te koop en krag as ‘n basiese diens aan sy kliënte te verskaf.
Die ooreenkoms het ten doel om Maluti-a-Phofung se uitstaande skuld aan Eskom te vereffen en ‘n betroubare kragtoevoer van die munisipaliteit te verseker.
Die voorsitter van Eskom se projekbestuurskantoor vir die DAA, Brenda Cebekhulu, sê toekomsplanne behels dat inwoners toegelaat word om krag direk by Eskom te koop.
