’n Man van Bethlehem is tot lewenslange tronkstraf gevonnis vir die moord op sy vrou.

Luidens ’n polisieverklaring het die beskuldigde haar op 2 Maart 2024 met ’n geroeste staalpyp doodgeslaan op Lucia-plaas, terwyl ander plaasbewoners dit aanskou het.

Sy het probeer wegvlug, maar hy het haar ingehaal en verskeie kere geslaan totdat sy bewusteloos was.

Sy is kort daarna dood verklaar.

Mokoena is op 6 Maart in hegtenis geneem en het in aanhouding gebly tot en met sy verhoor.

Die Vrystaatse Hooggeregshof het hom op 30 April skuldig bevind en lewenslange tronkstraf opgelê.

Hy is ook onbevoeg verklaar om ooit ’n vuurwapen te besit.