Die Departement van Gesondheid in die Vrystaat het bevestig dat 15 babas vanjaar op Kersdag in die provinsie gebore is. Dit is nege meisies en ses seuns. Die departement het verder bygevoeg dat drie van die pasgebore babas van tienerma’s gebore is, met die jongste wat 17 jaar oud was. Die LUR van Gesondheid, Mathabo Leeto, het gesê hoewel hulle bekommerd is oor die tienerma’s, is babas wat op Kersfees gebore word, altyd ‘n spesiale deel van die dag se vieringe.