Met Eskom se plan om sewe miljoen kragmeters met slimmeters te vervang, kom die risiko dat kuberkrakers almal kan oorneem. Netwerk24 berig die projek word tans in Fourways, Johannesburg getoets maar omdat dit ‘n slimtoestel is, werk dit deur die internet waar kwaadwillige aanvallers hele stede kan afskakel. Eskom beoog deur meters om beurtkrag met ladingsvermindering te vervang deur stroomsterkte na huise te verminder. Dit sal huishoudings beperk deur die verbruiker van 60 ampére tot 10 ampére se stroomsterkte te beperk om te vermy dat ‘n huis se krag afgesit word. Dit is net genoeg stroomsterkte vir beligting en internetdienste. Sowat 95% huishoudings in Fourways het al slimmeters met ‘n verdere 300 000 landwyd. Eskom het egter gesê kuberkrakers het nou die mag om huise, buurte en selfs stede se krag te beheer. Hoe meer slim-toestelle aan kritiese infrastruktuur gekoppel word, hoe meer word die land kwesbaar vir enorme probleme, het Martin Potgieter, die tegniese direkteur van ‘n rekenaar-veiligheidsfirma gesê.